განრიგი
სამოქალაქო ადმინისტრაციული სისხლი
იხილეთ სრულად
სასამართლო ტური
სკოლის მოსწავლეები სასამართლოში
2016-06-08
თბილისის სააპელაციო სასამართლოს თავმჯდომარის ბიუროს ინიციატივით კვლავაც გრძელდება სასამართლო ტურის პროექტი. ამჯერად, სასამართლოს კასპის კერძო სკოლა-გიმნაზიის მოსწავლეები ესტუმრნენ. ტურის ფარგლებში, პრეზენტაცია გამართა თავმჯდომარის ბიუროს კონსულტანტმა თამარ ერგემლიძემ. მოსწავლეები გაეცნენ სასამართლო ხელისუფლების ფუნქციებს, სასამართლო სისტემას, მოსამართლის საქმიანობას, არასრულწლოვანთა უფლებებს. პრეზენტაციის ბოლოს, მოსწავლეებს შესაძლებლობა მიეცათ ემსჯელათ კაზუსებზე. ტრადიციისამებრ, პრეზენტაციის დასრულების შემდგომ მოსწავლეებმა სასამართლოს შენობა დაათვალიერეს.
ვრცლად
ინოვაციური განათლების ცენტრის სტუდენტები სასამართლოში
2016-05-20
19 მაისს, თბილისის სააპელაციო სასამართლოს ინოვაციური განათლების ცენტრის (IEC) იურიდიული ფაკულტეტის სტუდეტები ეწვივნენ. სასამართლო ტურის ფარგლებში, პრეზენტაცია გამართა თავმჯდომარის ბიუროს უფროსმა უჩა თოდუამ. სტუდენტები გაეცნენ სასამართლო ხელისუფლების ფუნქციებს, სასამართლო სისტემას, მოსამართლის საქმიანობას. პრეზენტაციის დასრულების შემდგომ, ტრადიციისამებრ, სტუდენტებმა დაათვალიერეს სასამართლოს შენობა. შეგახსენებთ, რომ სასამართლო ტური უკვე მესამე წელია პერმანენტულად იმართება თბილისის სააპელაციო სასმართლოში იურიდიული ფაკულტეტის სტუდენტებისა და სამართლით დაინტერესებული სკოლის მოსწავლეებისათვის.
ვრცლად
169-ე სკოლის მოსწავლეების ვიზიტი სასამართლოში
2016-03-28
თბილისის სააპელაციო სასამართლოს თავმჯდომარის ბურო კვლავაც განაგრძობს სასამართლო ტურის პროექტს სამართლით დაინტერესებული სკოლის მოსწავლეებისა და იურიდიული ფაჯულტეტის სტუდენტებისათვის. 24 მარტს, სასამართლომ 169-ე სკოლის მოსწავლეებს უმასპინძლა. სასამართლო სისტემისა და მოსამართლის საქმიანობის შესახებ პრეზენტაცია გამართა თავმჯდომარის ბიუროს კონსულტანტმა ნინო მელაძემ. ტრადიციისამებრ, ტურის ბოლოს მოსწავლეებმა სასამართლოს შენობა დაათვალიერეს.
ვრცლად
განგრძობადი განათლება
ლიდერობა და მენეჯმენტი, V სესია
2016-03-15
თბილისის სააპელაციო სასამართლოს მოსამართლეები და მენეჯერული პოზიციის მქონე საჯარო მოხელეები 2016 წლის 6-11 მარტს იმყოფებდნენ გერმანიის ქალაქ დორტმუნდში, სადაც მონაწილეობა მიიღეს გაცვლით ვიზიტში, რომელიც მიეძღვნა მართლმსაჯულების სისტემაში ლიდერობისა და მენეჯმენტის სახელმძღვანელოს შექმნას. ვიზიტის ფარგლებში ჩატარდა სემინარი ლიდერობასა და მენჯმენტში. სემინარს უძღვებოდნენ გერმანიის საჯარო მოხელეთა აკადემიის (dbb Academy) ექსპერტები: ჰანს რიგერი და პატრიცია სუვაი. ვიზიტის მონაწილეები ასევე ესტუმრნენ ჩრდილოეთ რაინ-ვესტფალიის იუსტიციის აკადემიას და ქალაქ ესსენის სასამართლოს. შეხვედრების მონაწილეებმა იმსჯელეს მართლმსაჯულების ეფექტიანი ორგანიზების, ცვლილებების მართვის, მოხელეთა მოტივირებისა და ლიდერობისა და მენეჯმენტის არაერთ სხვა მნიშვნელოვან საკითხზე. თბილისის სააპელაციო სასამართლო მადლობას უხდის გერმანიის საერთაშორისო თანამშრომლობის საზოგადოებას (GIZ) ტრეინინგის ჩატარების ორგანიზაციული და ფინანსური მხარდაჭერისთვის.
ვრცლად
169-ე სკოლის მოსწავლეების იმიტირებული პროცესი
2016-01-05
თბილისის სააპელაციო სასამართლოში, 169-ე საჯარო სკოლის მოსწავლეებმა იმიტირებული სასამართლო პროცესი გამართეს. შეჯიბრებაში მონაწილეობას იღებდნენ მე-9, მე-10 და მე-11 კლასის მოსწავლეები, რომლებსაც სამართლის საფუძვლები თსუ-ს მაგისტრატურის სტუდენტებმა შეასწავლეს, სამართლის კლინიკის ფარგლებში. თბილისის სააპელაციო სასამართლო მხარს უჭერს საგანმანათლებლო ღონისძიებებს და მუდამ მზად არის ხელი შეუწყოს მსგავსი სახის შეჯიბრებიბისა თუ სხვა ღონისძიებების გამართვას.
ვრცლად
2015 წლის ბოლო იმიტირებული პროცესი სააპელაციო სასამართლოში
2015-12-30
თბილისის სააპელაციო სასამართლომ 2015 წლისათვის ბოლო იმიტირებულ პროცესს უმასპინძლა. 28 დეკემბერს, არასამთავრობო ორგანიზაცია "ალეას" (ახალგაზრდა ლიდერთა ეროვნული ასოციაცია) ორგანიზებით ჩატარდა მოდელირებული სასამართლო პროცესი, რომლის ფარგლებშიც სკოლის მოსწავლეებსა და სტუდენტებს შესაძლებლობა ჰქონდათ მოერგოთ სასამართლო პროცესის მონაწილეთა როლები და პრაქტიკულად გაცნობოდნენ თითოეული პროფესიის წარმომადგენლის პასუხისმგებლობებს. თბილისის სააპელაციო სასამართლო სამართლებრივი ცნობიერების ამაღლების ხელშეწყობის მიზნით, იმიტირებული პროცესების ფორმატით და სხვა არაერთი ღონიძიების ფარგლებში მზადყოფნას გამოთქვამს გააგრძელოს მხარდაჭერა საგანმანათლებლო პროექტებისადმი.
ვრცლად
საინტერესო გადაწყვეტილებები
სამოქალაქო საქმეთა პალატის 5 ახალი განჩინება
2016-04-25
წარმოგიდგენთ თბილისის სააპელაციო სასამართლოს სამოქალაქო საქმეთა პალატის ახალ განჩინებებს: საქმე №:2ბ/835-16, 2016-02-29 განჩინებაში განხილული თემები: ☛ სარჩელის მიღებაზე უარის თქმა; ☛ სარჩელის დასაშვებობა; ☛ ადვოკატის (წარმომადგენლის) ხარჯები; ☛ გადაწყვეტილების დასაბუთება; ☛ დისპოზიციურობის პრინციპი; ☛ სასამართლო გადაწყვეტილების ფარგლები. საქმე №:2ბ/6144-15, 2016-04-20 განჩინებაში განხილული თემები: ☛ სარჩელის უზრუნველყოფა; ☛ სარჩელის უზრუნველყოფის ღონისძიებები; ☛ სარჩელის უზრუნველყოფა და მესამე პირის ინტერესების გათვალისწინება; ☛ სარჩელის უზრუნველყოფის საფუძველი; ☛ სარჩელის უზრუნველყოფის შესახებ განჩინების გასაჩივრება. საქმე №:2ბ/6136-15, 2016-04-08 განჩინებაში განხილული თემები: ☛ სასამართლო უწყების ჩაბარება; ☛ დაუსწრებელი გადაწყვეტილება; ☛ დაუსწრებელი გადაწყვეტილების გამოტანის დაუშვებლობა. საქმე №:2ბ/5560-15, 2016-02-18 განჩინებაში განხილული თემები: ☛ სარჩელის უზრუნველყოფა; ☛ სარჩელის უზრუნველყოფის საფუძველი; ☛ სარჩელის უზრუნველყოფის ღონისძიებები; ☛ სარჩელის უზრუნველყოფის შესახებ განჩინების გასაჩივრება. საქმე №:2ბ/6068-15, 2016-03-07 განჩინებაში განხილული თემები: ☛ საჯარო შეტყობინება; ☛ საქმის წარმოების განახლება; ☛ გადაწყვეტილების (განჩინების) ბათილად ცნობა; ☛ იურიდიული პირის ადგილსამყოფელი (იურიდიული მისამართი).
ვრცლად
სამოქალაქო პალატის ახალი განჩინებები
2016-04-22
წარმოგიდგენთ თბილისის სააპელაციო სასამართლოს სამოქალაქო საქმეთა პალატის ახალ განჩინებებს: საქმე №2ბ/893-16, 2016-03-25 განჩინებაში განხილული თემები: ☛ სარჩელის მიღებაზე უარის თქმა; ☛ სახელმწიფო ბაჟის ოდენობის განსაზღვრა; ☛ ქონებრივ-სამართლებრივი დავა. საქმე № 2ბ/982-16, 2016-02-29 განჩინებაში განხილული თემები: ☛ სარჩელის მიღებაზე უარის თქმა; ☛ სარჩელის დასაშვებობა; ☛ სარჩელის ფორმა. საქმე № 2ბ/997-16, 2ბ/997-16 განჩინებაში განხილული თემები: ☛ სარჩელის მიღებაზე უარის თქმა; ☛ განსაკუთრებული განსჯადობა; ☛ განსჯადობა. საქმე № 2ბ/5234-15, 2016-02-18 განჩინებაში განხილული თემები: ☛ სარჩელის უზრუნველყოფა; ☛ სარჩელის უზრუნველყოფის ღონისძიებები; ☛ სააღსრულებო წარმოების შეჩერება. საქმე № 2ბ/5417-15, 2016-02-18 განჩინებაში განხილული თემები: ☛ სარჩელის უზრუნველყოფა; ☛ სარჩელის უზრუნველყოფის მიზანი; ☛ ქონების რეალიზაციის შეჩერება.
ვრცლად
9 მარტის განჩინებები
2016-03-29
წარმოგიდგენთ თბილისის სააპელაციო სასამართლოს სამოქალაქო საქმეთა პალატის 9 მარტის განჩინებებს: 2ბ/1217-15, 2016-03-09 ☛ თავდების სოლიდარული პასუხისმგებლობა; ☛ იპოთეკით დატვირთული უძრავი ნივთის რეალიზაცია; ☛ გადაწყვეტილების აღსრულების საშუალების შეცვლა. 2ბ/2499-15, 2016-03-09 ☛ სარჩელის მიღებაზე უარის თქმა; ☛ სამართალწარმოების ენა. 2ბ/5108-15, 2016-03-09 ☛ განსაკუთრებული განსჯადობა; ☛ ხელშეკრულების შესრულების ადგილი. 2ბ/5516-15, 2016-03-09 ☛ სახელმწიფო ბაჟის გადახდისაგან გათავისუფლება; ☛ სასამართლო ხარჯების ოდენობის შემცირება. 2ბ/5649-15, 2016-03-09 ☛ განსაკუთრებული განსჯადობა; ☛ ხელშეკრულების შესრულების ადგილი.
ვრცლად
პრეს რელიზები
მოსამართლეობის კანდიდატთა კენჭისყრის შედეგები
2016-07-15
იუსტიციის უმაღლესი საბჭოს 2016 წლის 14 ივლისის სხდომაზე მოსამართლეობის კანდიდატთა კენჭისყრის შედეგად არჩეულ იქნა 44 მოსამართლე. მათგან 21 მოქმედი მოსამართლე, 9 იუსტიციის უმაღლესი სკოლის ყოფილი მსმენელი და 14 ყოფილი მოსამართლეა. კონკურსი გამოცხადებული იყო 65 ვაკანსიაზე და მასში მონაწილეობას 122 კანდიდატი იღებდა. თანამდებობაზე დაინიშნენ: 1. თბილისის სააპელაციო სასამართლოს ადმინისტრაციულ საქმეთა პალატა - გიორგი გოგიაშვილი, ირაკლი შენგელია, მირანდა ერემაძე. 2. თბილისის სააპელაციო სასამართლოს სამოქალაქო საქმეთა პალატა - თამარ ალანია, გოგიტა თოთოსაშვილი, თეა სოხაშვილი-ნიკოლაიშვილი, ვანო წიკლაური, დიანა ბერეკაშვილი. 3. თბილისის სააპელაციო სასამართლოს სისხლის სამართლის საქმეთა პალატა - მაია თეთრაული, მარინა ხოლოაშვილი. 4. თბილისის სააპელაციო სასამართლოს საგამოძიებო კოლეგია - მერაბ გაბინაშვილი. 5. ქუთაისის სააპელაციო სასამართლოს სამოქალაქო საქმეთა პალატა - დიმიტრი გვრიტიშვილი, სიმონ ჩხაიძე. 6. ქუთაისის სააპელაციო სასამართლოს სისხლის სამართლის საქმეთა პალატა - მაკა გორგოძე. 7. თბილისის საქალაქო სასამართლოს ადმინისტრაციულ საქმეთა კოლეგია - ივანე აღნიაშვილი, ნანა ჭიჭილეიშვილი. 8. თბილისის საქალაქო სასამართლოს საგამოძიებო და წინასასამართლო სხდომის კოლეგია - მაკა გველესიანი, ლელა კალიჩენკო, გიორგი კერატიშვილი. 9. თბილისის საქალაქო სასამართლოს სამოქალაქო საქმეთა კოლეგია - თამარ ბურჯანაძე, გიორგი გოგიჩაშვილი, ვლადიმერ კაკაბაძე, ქეთევან კუჭავა, ლევან მიქაბერიძე, ნათია შიოშვილი, თამარ ჩიხლაძე, შორენა წიქარიძე, მაკა ჭედია, ელისო ტუკვაძე. 10. თბილისის საქალაქო სასამართლოს სისხლის სამართლის საქმეთა კოლეგია - ეკატერინე გაბრიჩიძე, ნათია გუდაძე, ლავრენტი მაღლაკელიძე. 11. ბათუმის საქალაქო სასამართლოს სამოქალაქო საქმეთა კოლეგია - დავით მამისეიშვილი. 12. ქუთაისის საქალაქო სასამართლოს სამოქალაქო საქმეთა კოლეგია - გოჩა დიდავა. 13. ქუთაისის საქალაქო სასამართლოს მაგისტრატი მოსამართლე ბაღდათის მუნიციპალიტეტში - მანანა ნიკაჭაძე. 14. გურჯაანის რაიონული სასამართლო - დევი დევიძე. 15. ზუგდიდის რაიონული სასამართლო - ირაკლი აბშილავა, დავით გელაშვილი. 16. თელავის რაიონული სასამართლო - ზვიად შარაძე. 17. მცხეთის რაიონული სასამართლოს ადმინისტრაციულ საქმეთა კოლეგია - ვასილ მშვენიერაძე. 18. რუსთავის საქალაქო სასამართლოს სამოქალაქო საქმეთა კოლეგია - ეკატერინე ყანჩელი. 19. რუსთავის საქალაქო სასამართლოს სისხლის სამართლის საქმეთა კოლეგია - მამია ფხაკაძე. 20. რუსთავის საქალაქო სასამართლოს მაგისტრატი მოსამართლე გარდაბნის მუნიციპალიტეტში - ირინე ტყეშელაშვილი. 21. სამტრედიის რაიონული სასამართლო - ლევან მეშველიანი.
ვრცლად
კონფერენციამ ვალერი ცერცვაძე იუსტიციის უმაღლესი სკოლის დამოუკიდებელი საბჭოს თავმჯდომარედ აირჩია
2016-07-13
2016 წლის 9 ივლისს, საქართველოს საერთო სასამართლოების მოსამართლეთა XVIII რიგგარეშე კონფერენციაზე საქართველოს იუსტიციის უმაღლესი სკოლის დამოუკიდებელი საბჭოს თავმჯდომარედ აირჩიეს თბილისის სააპელაციო სასამართლოს თავმჯდომარე - ვალერი ცერცვაძე. იუსტიციის უმაღლესი სკოლის დამოუკიდებელი საბჭო განსაზღვრავს სკოლის საქმიანობის მიმართულებებს, კოორდინაციას უწევს და ზედამხედველობს მათ აღსრულებას. იუსტიციის უმაღლესი სკოლის დანიშნულებაა საქართველოს საერთო სასამართლოების სისტემაში მოსამართლედ დასანიშნი პირის – იუსტიციის მსმენელის პროფესიული მომზადება. სკოლის მიზანია, უზრუნველყოს იუსტიციის მსმენელის თეორიული ცოდნის გაღრმავება და პრაქტიკული მუშაობისათვის აუცილებელი უნარ-ჩვევების გამომუშავება, აგრეთვე იუსტიციის მსმენელის მიერ მომავალი პასუხისმგებლობისა და კანონით დადგენილ ფარგლებში მოქმედების თავისუფლების შეცნობა, ხელი შეუწყოს იუსტიციის მსმენელის თანდათანობით ინტეგრაციას იმ სოციალურ გარემოში, რომელშიც მას, როგორც მოსამართლეს, მომავალში მოუწევს საქმიანობა. სკოლის დანიშნულებაა ასევე მოქმედი მოსამართლის პროფესიული სრულყოფისათვის მისი გადამზადება, აგრეთვე საქართველოს საერთო სასამართლოების სისტემის მაღალკვალიფიციური სპეციალისტებით დასაკომპლექტებლად მოსამართლის თანაშემწეობის კანდიდატისა და სხვა სპეციალისტების მომზადება-გადამზადება.
ვრცლად
განცხადება რუსთავი2-ის საქმესთან დაკავშირებით
2016-06-23
თბილისის სააპელაციო სასამართლო ეხმაურება ტელეკომპანია ,,რუსთავი 2“-ის გენერალური დირექტორის მიერ გაკეთებულ განცხადებას და განვმარტავთ შემდეგს: სამოქალაქო საპროცესო კოდექსის 257-ე მუხლის მე-2 ნაწილის თანახმად, სარეზოლუციო ნაწილის გამოცხადებიდან 14 დღის ვადაში სასამართლო ვალდებულია მოამზადოს დასაბუთებული გადაწყვეტილება მხარეებისთვის გადასაცემად. აღნიშნული ვალდებულება სააპელაციო სასამართლოს კოლეგიამ შეასრულა 12 დღის ვადაში, რითაც სრულად დაიცვა კანონის მითითებული მოთხოვნა. 2591-ე მუხლი, რომელზეც მხარის მიერ ხდება მითითება, წარმოადგენს სპეციალურ მუხლს, სადაც განსაზღვრულია მხარის მხოლოდ ვალდებულება გამოცხადდეს სასამართლოში არაუადრეს 21 და არაუგვიანეს 30 დღისა გადაწყვეტილების ჩასაბარებლად და თუ იგი თავს აარიდებს ამ მოვალეობას გადაწყვეტილება ჩაითვლება ჩაბარებულად და დაიწყება ვადის ათვლა 30 დღიდან. 2591-ე მუხლის მე-2 ნაწილი იმპერატიულად ადგენს თუ რა კატეგორიის მხარეებთან მიმართებაშია ვალდებული სასამართლო გაუგზავნოს სასამართლო გადაწყვეტილება, რაც არანაირად არ გამორიცხავს სასამართლოს უფლებას საკუთარი შეხედულებისამებრ გაუგზავნოს ნებისმიერ სხვა მხარეს, მით უფრო თუ იგი 21 დღეზე ადრე იქნა მომზადებული. ამასთან, კანონში არ არსებობს ამკრძალავი ნორმა, რომელიც მოსამართლეს უზღუდავს უფლებას გაუგზავნოს კორესპონდენციები მხარეებს მათ შორის სასამართლო გადაწყვეტილება. განსაკუთრებით გვინდა ხაზი გავუსვათ იმ გარემოებას, რომ საკასაციო საჩივრის შეტანის ვადა კანონით განსაზღვრულია 21 დღით და მისი დინება იწყება გადაწყვეტილების მხარისათვის გადაცემიდან ან იმ მომენტიდან, როდესაც მოსამართლე გამოაცხადებს დასაბუთებულ გადაწყვეტილებას და ამას ესწრება მხარე. ორივე შემთხვევაში ფუნდამენტალური ღირებულებაა მხარეს ჰქონდეს 21 დღე მას შემდეგ, როდესაც დასაბუთებულ გადაწყვეტილებას გაეცნობა, რაც მოცემულ შემთხვევაში არ დარღვეულა. შესაბამისად აბსურდულია იმის მტკიცება, რომ მხარეებს გასაჩივრების ვადის დინება ეწყებათ სარეზოლუციო ნაწილის გამოცხადებიდან 30-ე დღეს, მაშინ როდესაც დასაბუთებული გადაწყვეტილების გამოცხადებიდან მათ აქვთ 21 დღე, რაც შეიძლება მოსამართლის დისკრეციით განხორციელდეს საქმის განხილვის დასრულებიდან ნებისმიერ გონივრულ დროს და აქედან დაიწყოს ვადის ათვლა. რაც შეეხება 70-78 მუხლებით დადგენილ წესს, გვინდა საზოგადოებას ვაუწყოთ, რომ ტელეკომპანია ,,საქართველო“ არ იმყოფებოდა საქმეში მითითებულ მისამართზე; მისმა ყველა წარმომადგენელმა (პირადად და/ან ოფისის წარმომადგენლების მიერ) უარი განაცხადა სასამართლო გადაწყვეტილების ჩაბარებაზე, რაც 75-ე მუხლის პირველი ნაწილისა და 76-ე მუხლების შესაბამისად ითვლება არასაპატიოდ და/ან წარმოადგენს უარის თქმას. ასევე აღვნიშნავთ, რომ საერთაშორისოდ აღიარებული პრინციპებიდან გამომდინარე განსაკუთრებული მნიშვნელობა ენიჭება მართლმსაჯულების ეფექტურობას და ნებისმიერ შემთხვევაში, როდესაც სასამართლო საკუთარ ვალდებულებებს ასრულებს კანონით განსაზღვრულ ვადებში და არ აჭიანურებს პროცესს, ფასდება ყოველთვის სასამართლოს პოზიტივად და სრულიად უსაფუძვლოა იმის მცდელობა, რომ აღნიშნული შეფასდეს, როგორც სასამართლოს გაუმართლებელი ქმედება. ყოველივე ზემოაღნიშნულიდან გამომდინარე კიდევ ერთხელ განვმარტავთ, რომ სასამართლო მოცემულ შემთხვევაში მოქმედებდა საკუთარი დისკრეციის ფარგლებში, კანონმდებლობის მოთხოვნების სრული დაცვით და ყოველგვარი საუბარი, რომ სააპელაციო სასამართლოს კოლეგიის ქმედება გასულია კანონის ჩარჩოებიდან, არ შეესაბამება სინამდვილეს და მიზნად ისახავს სასამართლოს დისკრედიტაციასა და საზოგადოების შეცდომაში შეყვანას.
ვრცლად
                
                
საქმეთა მართვის პროგრამა
საქართველოს უზენაესი სასამართლო
თბილისის საქალაქო სასამართლო
საქართველოს იუსტიციის უმაღლესი საბჭო
სამართლის ელექტრონული ბიბლიოთეკა
საქართველოს იუსტიციის სამინისტრო
სასამართლო ექსპერტიზის ეროვნული ბიურო
აღსრულების ეროვნული ბიურო
უფასო იურიდიული დახმარების პორტალი
საქართველოს სასამართლოები
საქართველოს საკანონმდებლო მაცნე
საჯარო ინფორმაციის პროგრამა
დიალოგის განვითარებისთვის
განმარტებითი იურიდიული ლექსიკონი
საქართველოს საერთო სასამართლოების მოსამართლეთა სადისციპლინო კოლეგია
სახელმწიფო ბაჟის გამოთვლის პროგრამა
საპროცესო ვადის გამოთვლა
მნიშვნელოვანი გადაწყვეტილებების საძიებო
© 2013, თბილისის სააპელაციო სასამართლო
ქ. თბილისი, გრ. რობაქიძის გამზ. 7ა, 0159
სატელეფონო ცენტრი: (+995 32) 251 85 21

საიტის ძველი ვერსია